پاڵەوانێكی زنجیرە فیلمی توایلایت لە ماڵەكەی خۆیدا بە مردوویی دۆزرایەوە .

(گرێگۆری تێری بۆیس)ی تەمەن 30 ساڵ و خۆشەویستەكەی (ناتالیا ئادیپۆجو)ی 27 ساڵ لە ماڵەكەی خۆیدا لە لاس ڤێگاس بە مردوویی دۆزرانەوە, بەپێی لێكۆڵینەوەكانی پۆلیس دەركەوتووە كە ئەوە تاوانی كوشتن نەبووە, هەروەها لە سەرچاوەیەكەوە هاتووە كەلەو شوێنە بڕێك مادەی سپی لە شێوەی پاودەر بینراوە بەڵام پۆلیس هێشتا زانیاری زیاتری نەخستووەتە ڕوو .

گرێگۆری یەكێك بوو لە پاڵەوانانی زنجیرە فیلمی (Twilight) كە هەریەك لە ئەستێرەی جیهانی كریستین ستیوارت و رۆبەرت پاتینسۆن و چەند ئەكتەرێكی دیكە تێیدا بەشدار بوون .