ئەگەر چی چەند ڕۆژێكە لە تۆڕە كۆمەڵایەتییەكان دەنگۆی هاوسەرگیری فارس كەرەم بڵاوبووەتەوە, بەڵام لە ئێستا ئەو هەواڵە پشتڕاست كراوەتەوەو بەم هۆیەوە چەند هونەرمەندێك پیرۆزبایی و خۆشحاڵی خۆیان دەربڕی .

گۆرانیبێژی لوبنانی فارس كەرەمی تەمەن 46 ساڵ, لە بەرنامەیەكدا لە كەناڵی ڕۆتانا هەواڵی هاوسەرگیرییەكەی ڕاگەیاند ئەمەش دوای ئەوەی كە فارس ئاماژەی بەوەدا كە دایكی زۆر ئارەزووی كردووە هاوسەرگیری بكات و پاڵپشتی بووە لەم پرۆسەیە, هەروەها فارس كەرەم گووتی كە ئەو گرنگی بە پێكهێنانی خێزان دەدات و باسی ڕۆڵی دایك و باوكی كرد لە سەركەوتنەكانیدا, هەروەها فارس كەرەم دەربارەی پرۆسەی هاوسەرگیرییەكەی ئاماژەی بەوەدا كە ئەو نایەوێت زانیاری زیاتر بدات و دەیەوێت لە دوور بێت لە ڕۆژنامەو ڕاگەیاندنەكانەوە .

بەم هۆیەوە چەند هونەرمەندێك خۆشحاڵی خۆیان بەم هاوسەرگیرییەی فارس كەرەم دەربڕی, لەوانەش ئەلیسا و وەلید تەوفیق و نەجوا كەرەم و ڕامی عەیاش و مایا دیاب و هەیفا وەهبی و چەند هونەرمەندێكی دیكە .