لە گەڵ نمایشكردنی هەر زنجیرە درامایەكدا بینەرەكان هەڵە لە سیناریۆ یان دەرهێنانی دەدۆزنەوەو لە تۆڕە كۆمەڵایەتییەكان دەیكەن بەبابەتێك كە چەندین ڕەخنە و گاڵتەو پێكەنین بە دوای خۆیدا دێنێ .

لە ئێستادا زنجیرە درامایەكی میسری بەڕێوە دەچێت لەژێر ناونیشانی(البرنس) كە محەمەد ڕەمەزان و ئەحمەد زاهر و رۆجینا و چەند ئەكتەرێكی دیكە تێیدا بەشدارن, هەڵەیەكی هونەری درووست بووە كە هەموو تۆڕە كۆمەڵایەتییەكانی هەژاندووە .
ئەویش ئەوەیە كاتێك محەمەد رەمەزان لە نەخۆشخانە پشكنینی پزیشكی بۆ ئەنجام دەدرێت و پزیشكەكان هێڵكاری دڵی بۆ دەكەن, بەڵام دەردەكەوێت ئەو بەشانەی كەلە ئامێرەكەوە دێت بۆ نەخۆشەكە هەمووی لەسەر قۆڵی چەپی محەمەد رەمەزان دانراوە, نەك بە شێوە زانستییەكەی كە دەبێت لە سەر سینگ و دەستەكان و پێیەكانی بێت, بەم هۆیەوە كۆمێنتەكان لە قاڵبی ڕەخنەی هونەری دراما لایداوەو بووە مایەی نوكتەو گاڵتەكردن, بەم هۆیەوە یەكێك لە بەشداربوان نووسیویەتی كە تەكنەلۆجیایەكی زۆر پێشكەوتوو لەم زنجیرە درامایە بەكار هێنراوە .