ئەكتەرو هونەرمەندی ئەمریكی بە ڕەچەڵەك ئۆكرانی(دیمیتری دياتچەنكۆ) لە تەمەنی 52 ساڵیدا كۆچی دوایی كرد .

ئەم هەواڵە لە كاتێكدا بڵاوكرایەوە, كاتێك كەسە نزیكەكانی پەیوەندی پێوە دەكەن ئەویش وەڵامی نابێت, لە دواییدا پۆلیس دەچێتە ماڵەكەی لە ویلایەتی فلۆریدا دەردەكەوێت كە كۆچی دوایی كردووە, لەم بارەیەوە برای دیمیتری لە لێدوانێكیدا ڕایگەیاند كە مردنی هیچ پەیوەندییەكی نەبووە بە پەتای كۆرۆنا وە دوایی لە پشكنین و ڕاپۆرتە پزیشكییەكان هۆكارەكەی دەردەكەوێت .

ئەگەر چی هێشتا هۆكاری مردنی ئاشكرا نەكراوە, لەلایەكی دیكەوە یەكێك لە هاوپیشەكانی ڕایگەیاند كە دیمیتری دیاتچەنكۆ بە چەند ڕۆژێك پێش مردنی لە كاتی كاركردنیدا بەهۆی ڕووداوێكی كارەبا ماوەیەك لە ماڵەكەی خۆیدا لە پشوودا بوو .

دیمیتری دیاتچەنكۆ لە چەندین فیلمی سینەماییدا بەشداری كردووە, (Chernobyl Diaries) كە بەناوبانگترین فیلمی ترسناكی ئەم هونەرمەندەیە لە ساڵی 2012 بەرهەم هات, وە براد پاركەر كاری دەرهێنانی فیلمەكەی ئەنجامدا, لەم فیلمە هەریەك لە جۆناسان سادۆوسكی و جێسی مەكارتنی و دەیڤن كیڵی و ئۆلیڤیا تایلۆر و چەند ئەكتەرێكی دیكە تێیدا بەشداربوون .

هەروەها دیمیتری لە بەشی چوارەمی زنجیرە فیلمی ئیندیانا جۆنز لە ساڵی 2008 بەشداری كردووە, وە لە(company of heroes) كە فیلمێكی جەنگییەو لە ساڵی 2013 نمایشكرا, وە فیلمی (they are watching) لە ساڵی 2016 .