كه‌مال گه‌نجی ئه‌لبوومێكی نوێی گۆرانی بڵاو ده‌كاته‌وه
له‌مباره‌یه‌وه كه‌مال گه‌نجى ڕایگەیاند: "له‌گه‌ڵ ئه‌وه‌ی پابه‌ندی ڕێنوێنییه‌كانى ته‌ندروستیم، ڕۆژانه كار بۆ دروستكردنی ئه‌لبوومه نوێیه‌كه‌م ده‌كه‌م، تا ڕاده‌یه‌ك كاره‌كانی به باشی ڕۆیشتوون، به‌ڵام دروستكردنی ئه‌لبووم كارێكی قورسه و ماندووبوونی زیاتری ده‌وێت".
گوتیشى: "ده‌مه‌وێت له‌و ئه‌لبوومه‌دا ته‌واوی هه‌ست و توانای خۆم به‌كار بهێنم، هه‌روه‌ها ده‌مه‌وێت ئه‌و ئه‌لبوومه‌م له مێژووی هونه‌ری كوردیدا بمێنێته‌وه".
ئه‌م گۆرانیبێژه خه‌ڵكى ڕۆژهه‌ڵاتى كوردستانه، خاوه‌نى چه‌ندین گۆرانی و ڤیدیۆ كلیپه، كلیپه‌كانى له تۆڕه كۆمه‌ڵایه‌تییه‌كاندا بینه‌رێكى زۆریان هه‌یه.
basnews
