دوای ئەوەی تۆمارە دەنگییەك بڵاوكرایەوە كە تێیدا دەردەكەوێت خانمە گۆرانیبێژی جەزائری (فولە)ی تەمەن 58 ساڵ, زۆر بە تووڕەییەوە هێرش دەكاتە سەر ئەو كەسانەی چوونەتە سەر شەقامەكانی ئەو وڵاتەو دژی دەسەڵات و حكومەتەكە وەستاونەتەوە, "فولە جەزائری" لەم تۆمارە دەنگییە بە تووڕەییەوە ڕوو لەو كەسانە دەكات كە بۆ خۆپیشاندانەكان دەرچوون, نزادەكات و بۆ لەناوچوونیان پێیان دەڵێت كە ئەوان شایستەی ڤایرۆسی كۆرۆنان, هەروەها خۆپیشاندەرانی بە جۆرێك پێناسەكرد كە ئەوان هۆكاری ماڵوێرانین لە وڵاتەكەدا .

هەرلەگەڵ بڵاوبوونەوەی ئەم هەواڵەو بینینی فولە وەكو كەسێكی دژ بە خۆپیشاندەران, نیگەرانیی گەنجان لە شەقامەكانەوە ڕژایەوە بۆ تۆڕە كۆمەڵایەتییەكان كە بەهۆیەوە فولە كەوتە بەر ڕەخنەو هێرشی گەنجانی ئەو وڵاتە .

لە دواییدا فولە جەزائری ناچاربوو لێدوانێك بڵاوبكاتەوە و تێیدا بە شێوەیەكی فەرمی و بە ڕاشكاوانەوە داوای لێبووردنی لە سەرجەم خۆپیشاندەران كردو خۆشەویستی پاڵپشتی خۆی بۆ ئەوان دوپات كردەوە, دیسانەوە بە داوای لێبووردنەوە ئاماژەی بەوەدا كە ئەو لە بارودۆخێكی نالەبارەوە ئەو ووشانەی گوتووە وە لەو كاتەدا تووڕەیی زاڵ بووە بەسەریدا .