لە دوای بڵاوكردنەوەی گۆرانی(stupid love), خانمە ئەستێرەی ئەمریكی لەیدی گاگا كورتە ڤیدیۆیەكی خۆی لە تۆڕە كۆمەڵایەتییەكان بڵاوكردووەتەوە كە تێیدا لەیدی دەردەكەوێت لە ناو ئاوێكی ساردی بەفراویدا پەیامەكەی ڕادەگەیەنێت .

لەم كورتە ڤیدیۆیە لەیدی گاگا بە (Little Monsters) كە ئەوانیش هەوادارەكانیەتی و ئەو ناوەیان لە خۆیان ناوە, دەڵێت كە ئەو لە بیابانە..لەبەر ئەوەی هەوادارانی خۆش دەوێت.. بۆیە خۆی خستووەتە ناو بانیۆیەكی بەفراوی, هەروەها لە كۆتایی پەیامەكەیدا دەڵێت(stupid love) كە ناوی گۆرانییە نوێیەكەیەتی .

ئەم كورتە ڤیدیۆیە دەگەڕێتەوە بۆ ئەو كاتەی كە لەیدی گاگا كاری لەسەر وێنەگرتنی ڤیدیۆ كلیپی(stupid love) دەكرد, بە پێی ئەو هەواڵانەی كەلە ئێستادا بڵاوبووەتەوە لەیدی گاگا كامێرای سینەمایی و پێشكەوتووی بە كارنەهێناوە بۆ بە كلیپكردنی گۆرانییەكەی بەڵكو بە مۆبایلی زیرەك وێنە گیراوە, هاوشێوەی سیلینا گۆمێز لە كلیپی(Lose You To Love Me) .
گۆرانی (stupid love) كە 28ی مانگی ڕابردوو لە تۆڕی كۆمەڵایەتی یوتیوب بڵاوكرایەوە, وەك هەمیشە لەیدی گاگا بە ستایڵی جیاوازەوە تێیدا دەردەكەوێت, وە ڤیدیۆ كلیپەكە بەشێوەیەك كاری لەسەر كراوە وەك بڵێی لەیدی لەسەر هەسارەیەكی دیكە بێت, ئەم گۆرانییە لە ئێستادا نزیكەی 26 ملیۆن بینەری هەیە .