دوای پێشكەشكردنی گۆرانییەكانیان, هەردوو خانمە ئەستێرەی جیهانی(جێنێفەر لۆپێز) و (شاكێرا) لە گەیمەكانی سوپەر بۆڵی ئەمریكی تووشی ڕەخنە و هێرشی تووند بوونەتەوە .

لەئێستادا بەپێی ئەو ڕاپۆرتانەی كەلە ڕۆژنامەكاندا بڵاوكراوەتەوە, ئەم دوو ناودارە 1300 سكاڵایان لەسەر تۆمار كراوە, ئەویش بەهۆی ئەوەی زۆرێك لە ئامادەبوان و بینەری ئەو یارییە گلەیی ئەوەیان كردووە كە ئەوان لەپاڵ چڕینی گۆرانییەكانیان, بە سەماكانیان نمایشی جەستە و دیمەنی ووروژێنەریان لەسەر ستێج پێشكەش كردووە .
وە زۆربەی ئامادەبوان و بینەرانی یارییەكانی سوپەر بۆڵ, ئاماژەیان بەوەدا كە زۆر كەس لە خوارووی 18 ساڵەوە بینەری ئەو دیمەن و نمایشە جەستەی جەیلۆ و شاكێرا بوون كە ئەمەیان بە شتێكی نەشیاو وەسف كرد لەو شوێن و بۆنەدا, وە لەلایەكی دیكەوە هەندێك لە ئامادەبوان گلەیی ئەوەشیانكرد كە ئەم نمایشە گەیشتە ناو ماڵەكانەوە لە ڕێی پەخشی ڕاستەوخۆی بە شێك لە كەناڵەكان كە بەمەش كاریگەری لەسەر منداڵان دەبێت .