ئەگەر چی لە ماوەكانی ڕابردوودا دەنگۆی ئەوە بڵاودەبۆوە كە زنجیرە درامای(friends) بەشێكی نوێی لێ بەرهەمدێت, بەڵام لە ئێستادا بە شێوەیەكی فەرمی ئەو هەواڵە ڕاگەیەندرا, ئەویش لە ڕێی تۆڕی(HBO Max) كە ئەو لایەنە دیسانەوە ئەو شەش هاوڕێیە كۆدەكاتەوە, وە بە پێی ڕاگەیەندراوەكەی ئەم تۆڕە, یەكگرتنەوەی ئەم ئەكتەرانە دوای ئەوەندە ساڵ لە ئەڵقەیەكی تایبەت دەبێت .

بەم هۆیەوە لە تۆڕە كۆمەڵایەتییەكان بەشێك لە ئەستێرە و ئەكتەرانی هۆڵیوود بەم هەواڵە دڵخۆشی خۆیان دەربڕی و بە پەرۆش بوون بۆ نمایشەكانیان لەم بەشە نوێیە, لەلایەكی دیكەوە كۆرتنی كۆكس كە لەم زنجیرە درامایە بە مۆنیكا دەناسرا, لە دەركەوتنێكیدا ئەوەی خستە ڕوو كە ئەوان لەسەر ئەم بابەتە قسەیان كردووە و بەرنامەیان بۆ كارەكان داڕشتووە, وە ئاماژەی بەوەدا كە ئەوان مانگی 5ی ئەمساڵ هەرشەشیان لە ستۆدیۆكانی(warner bros) لە هەمان شوێن دەستدەكەن بە بەرهەمهێنانی بەشێكی نوێ لە زنجیرە درامای(friends) .