دوای ئەوەی فیلمی (The Irishman) هیچ خەڵاتێكی ئۆسكاری بە دەست نەهێنا, لە ئێستادا دەرهێنەری دیاری ئەمریكی (مارتن سكورسیزی) كار لەسەر فیلمێكی نوێ دەكات بە ناونیشانی(Killer OF The Flower Moon), ئەم فیلمە هەریەك لە (ڕۆبێرت دی نیرۆ و لیۆناردۆ دیكاپریۆ) ڕۆڵی تێدا دەگێڕن, بڕیار وایە لە ساڵی 2021 لە هۆڵەكانی سینەمادا نمایش بكرێت .

بەپێی ئەو هەواڵانەی لە ئێستادا بڵاوبووەتەوە, فیلمی(Killer OF The Flower Moon) لە كتێبی (دەیڤید گران) وەرگیراوە كە چیرۆكێكی ڕاستەقینەی نێوان ساڵانی 1921 بۆ 1922 دەگێڕێتەوە, هەروەها ناوەڕۆكی ئەم فیلمە باس لە ڕووداوێكی خوێناوی دەكات لە ویلایەتی ئەوكلاهۆما, كە لەوێدا هۆزێك دەبێت بە ناوی ئۆساج, ئەوانیش بریتین لە هندییە سوورەكان, وە لە ناوچەیەكدا دەژین كە شوێنێكی كشتوكاڵی و نیشتەجێ بوونە, لەبەر ئەوەی ناوچەكە دەوڵەمەندە بە نەوت بەم هۆیەوە كێشە بە ڕووی ئەم هۆزە دێت و تاوان و كوشتارێكی زۆری لێ دەكەوێتەوە....بەرنامە وایە مانگی 3ی ئەمساڵ دەست بكرێت بە كاری وێنە گرتنی ئەم فیلمە .