ئه‌یاد حوسێن، گۆرانیبێژی كورد، به‌م زوانه‌ نوێترین ڤیدیۆ كلیپی خۆی بڵاو ده‌كاته‌وه‌.

له‌مباره‌یه‌وه‌ ئه‌یاد حوسێن له‌ هه‌ژماری تایبه‌تیی خۆی، له‌ تۆڕی كۆمه‌ڵایه‌تیی (ئینستاگرام)، نووسیویه‌تی: "به‌م زوانه‌ چاوه‌ڕوانی چه‌ند كارێكی نوێی هونه‌ریم بن".

به‌پێی زانیارییه‌كان، ئه‌و گۆرانیبێژه‌ له‌ چه‌ند هه‌فته‌ی داهاتوودا كلیپێكی نوێ بڵاو ده‌كاته‌وه‌ كه‌ له‌ هه‌ولێر كاری وێنه‌گرتنی بۆ ئه‌نجام دراوه‌ و یووسف له‌شكری كاری ده‌رهێنانی بۆ ڤیدیۆ كلیپه‌كه‌ كردووه‌.

ئه‌یاد حوسێن خاوه‌نی چه‌ندین گۆرانی و ڤیدیۆ كلیپه‌، چه‌ند ساڵێكه‌ هیچ به‌رهه‌مێكی نوێی هونه‌ری بڵاو نه‌كردووه‌ته‌وه‌ و به‌شداریی هیچ به‌رنامه‌یه‌كی هونه‌ریشی نه‌كردووه‌.

basnews