بەپێی ئەو هەواڵانەی لە میدیا و ڕۆژنامە جیهانییەكان هاتووە, گۆرانییەكی نوێی ئەستێرەی پۆپی ئەمریكی(لێدی گاگا) لە تۆڕە كۆمەڵایەتییەكان بڵاوبووەتەوە, گۆرانی(stupid love) كە لەلایەن هاكەرەكانەوە بڵاوكرایەوە, یەكێكە لە گۆرانییەكانی نێو ئەلبۆمە نوێیەكەی كە بڕیارە مانگی شوبات بیخاتە بەردەستی هەوادارانی .

بڵاوبوونەوەی ئەم گۆرانییە بووە مایەی شۆك بۆ لێدی گاگا, وە بەم هۆیەوە لە تۆڕە كۆمەڵایەتی توەیتەر پۆستێكی بڵاوكردەوە كە بریتی بوو لە وێنەی كەسێك كە گوزارشتی لە هاكەر دەكرد, وە لێدی گاگا بە هەوادارانی ڕاگەیاند كە بڵاوكردنەوەو گوێگرتن لەو گۆرانییە دزراوە دەبێتە مایەی پاڵپشتیكردن لە هاكەرەكان .