د.جەلال حاجی‌زادە نووسەر، توێژەری خەڵکی سەردەشت بەرەبەیانی ئەمڕۆ دووشەممە بەهۆی جەڵتەی دڵ کۆچی دوایی کرد.

د.جەلال حاجی‌زادە، ساڵی 1975 لە گوندی (بێتووش)ی سەر بە شاری سەردەشت لەدایک بووە و خاوەن بڕوانامەی دکتۆرای سیاسی بووە و لە بوارەکانی فەلسەفەی سیاسی، زمانناسیدا بە هەردوو زمانی کوردی و فارسی دەیان بابەت و توێژینەوەی هەیە.

ئەو نووسەر و توێژەرە کورد بەتایبەتی لە ساڵانی ڕابردوودا لەبارەی مێژوو و بنەچەی زمانی کوردی و هزری سیاسیی کورد، چەندین توێژینەوەی جیاوازی نووسیوە.

بەهۆی بیروباوەڕی سیاسی و ڕەخنە لە حکوومەتی ئێران، لەلایەن دەزگا ئەمنییەکانەوە ڕێگرییان لێ دەکرد لە قوتابخانە و خوێندگە فەرمییەکان وانە بڵێتەوە.

basnews