دوای ئەوەی خانمە گۆرانیبێژی لوبنانی(نەجواكەرەم), بە بۆنەی ساڵی نوێوە كۆنسێرتێكی گۆرانی لە وڵاتی ئیمارات سازكرد, توانی سەركەوتنێكی مەزن تۆمار بكات, ئەویش بە شێوەیەك كە كۆنسێرتەكەی بە گەورەترین و دیارترین كۆنسێرتی شەوی 2020 لە سەر ئاستی ڕۆژهەڵاتی ناوەڕاست هەژمار بكرێت, بەم هۆیەوە (گینس) بۆ ژمارە پێوانەییەكان, بە شێوەیەكی فەرمی وەكو گەورەترین كۆنسێرت و ئاهەنگی سەری ساڵ لەم ناوچەیە هەژماركرد .

هۆكارەكەش بۆ ئەوە دەگەڕێتەوە كە لەم كۆنسێرتە چەندین یاری ئاگرین تێیدا هەڵدرانە ئاسمان, بەڵام ئەوەی بووە مایەی سەرنجی ئامادەبوان, دوو جۆر لەو یاریە ئاگریینانە بوون كە گینس بە گەورەترینی ناساند, هەر بەم هۆیەوە نەجوا كەرەم خۆشحاڵی خۆی دەربڕی و سوپاسگوزاری جێبەجێكار و ئەو كەسانە بوو كە ئامادەكاریان بۆ ئەو كۆنسێرتە ئەنجامدا .