لە ئێستادا لە زۆرێك لە ڕۆژنامەو میدیا جیهانییەكان بڵاوكراوەتەوە كە گۆرانیبێژو ئەستێرەی پۆپی ئەمریكی (لیڵ واین) دەستگیركراوە, ئەم ڕووداوە لە دوای ئەوە هات كە پۆلیس و هێزە ئەمنیەكان بە پێی چەند زانیارییەك بۆیان دەركەوت كە ئەم ناودارە مامەڵە بە چەك و مادەی هۆشبەرەوە دەكات .
بۆیە بە نووسراوێكی فەرمی پۆلیسەكان هەڵیانكوتایە سەر فڕۆكە تایبەتییەكەی لە فڕۆكەخانەی مەیامی, بە گومانی ئەوەی كە ئەم ناودارە گوایە چەك و مادەی هۆشبەری هەڵگرتووە .

بەڵام بە دوای چەند كاتژمێرێك لە دوای ئەم ڕووداوە و بڵاوبوونەوەی هەواڵی دەستگیركردنی, لیڵ واینی تەمەن 37 ساڵ, تویتێكی بڵاوكردەوە و دەڵێت كە پۆلیس و هێزە ئەمنییەكان دەستیان كرد بە پشكنینی فڕۆكەكەی, وە ئاماژەی بەوەكرد كە ئەو دوورە لە بابەتی چەك و مادەی هۆشبەر وە هەوادارانی دڵنیا كردەوە كە ئەو ئێستا باشە و دەستگیر نەكراوە .