زۆر كات ڕووداوی جۆراوجۆر لەسەر ستێج دەبینرێت, بەڵام ئەمجارەیان جیاواز لەوانی دیكە هەوادار و ئامادەبوان نەچوونە لای هونەرمەندەكەیان بۆ وێنە و سێڵفییەك .

لە عەرەبستانی سعودیە گۆرانیبێژی لوبنانی (مێریام فارس) كۆنسێرتێكی گۆرانی سازكرد, لە كاتی بەڕێوەچوونی ئەم كۆنسێرتە مێریام لەناكاو داوا لە تیمەكەی دەكات كەلە ژەنین بوەستن و خێرا لە ڕێی مایكەكەیەوە ئاماژە بەوە دەكات كە یەكێك لە ئامادەبوان باری تەندرووستی تێكچووە و پێویستی بە یارمەتییە, وە داوای ئەوەی كرد كە فریای بكەون .
لە ئێستادا كە گرتەی ئەم ڕووداوە لە تۆڕە كۆمەڵایەتییەكان بڵاوبووەتەوە, زۆر كەس ئەوە دەڵێن كە مێریام فارس كۆنسێرتەكەی وەستاند لە پێناو هەوادارێكی و ئەمەش هەڵوێستێكی جوانە, وە سەرەڕای سەرقاڵبوونی لە نێو میوزیك و ئەو هەموو ڕووناكییە توانی سەرنجی لای ئامادەبوان بێت .