ئه‌مه‌ل سه‌عید كورده كلیپێكی نوێ بڵاو ده‌كاته‌وه
له‌مباره‌یه‌وه ئه‌مه‌ل سه‌عید له هه‌ژماری تایبه‌تیی خۆی، له تۆڕی كۆمه‌ڵایه‌تیی (ئینستاگرام)، به‌شێك له ڤیدیۆ كلیپه‌كه‌ی بڵاو كردووه‌ته‌وه و نووسیویه‌تی: "كه‌ژاڵ ئه‌حمه‌د تێكستی گۆرانییه‌كه‌ی نووسیوه و ئه‌نوه‌ر قه‌ره‌داغی ئاوازی بۆ ئاماده كردووه".
گۆرانیی لاوۆ، پێشتر چه‌ند گۆرانیبێژ دووباره‌یان كردووه‌ته‌وه، به‌ڵام ئه‌مه‌ل به میوزێكێكی نوێ و ڤیدیۆ كلیپ بڵاوی ده‌كاته‌وه.
ئه‌مه‌ل سه‌عید كورده خه‌ڵكی سلێمانییه، له ساڵانی نه‌وه‌ده‌كانی سه‌ده‌ی ڕابردوودا ده‌ستی به كاری هونه‌ری كردووه، به یه‌كێك له خانمه هونه‌رمه‌نده به‌ئه‌زموونه‌كان داده‌نرێت، به‌شی ده‌نگ و میوزیكی له زانكۆی له‌نده‌ن خوێندووه، ماوه‌یه‌كه به‌رنامه‌یه‌كی هونه‌ری له له‌نده‌ن به ناوی (مروارییه‌كانی غوربه‌ت) پێشكه‌ش ده‌كات.
basnews
