لە ئێستادا خانمە گۆرانیبێژی ئەمریكی(تایلۆر سوێفت), بەبۆنەی هاتنی سەری ساڵی زایینی نوێترین گۆرانی بەناوی(Christmas Tree Farm) بڵاوكردەوە, ڤیدیۆ كلیپی ئەم گۆرانییە لە چەند گرتەیەكی ڤیدیۆیی خێزانی و تەمەنی منداڵی ئەم ئەستێرەیە پێكهاتووە, كە دیمەنەكان نیشانی دەدات تایلۆر سوێفت بە منداڵی لەناو بەفر یاری دەكات و لە دەم بەیانێكی زوودا دیارییەكەی هەڵدەپچڕێنێت كە ئەویش گیتارێكە, هەروەها ئەم گۆرانییە تەنها لەم چەند ڕۆژەی تەمەنی لە یوتیوب نزیكەی 6 ملیۆن كەس بینەری كلیپەكە بوون .

ئەگەر چی ئەم گۆرانییە سوپڕایزێكی جوانی تایلۆر سوێفت بوو وە دەكرێت بڵێین كلیپێك بە واژووی تایلۆر سوێفت, بەڵام لە ئێستا هەوادارانی ئەم هونەرمەندە چاوەڕێی ئەلبۆمە نوێیەكەی دەكەن .

لەماوەكانی ڕابردوو تایلۆر سوێفت ڕایگەیاند كە ئەو سەرسام بوو بە كتێبەكەی ئەستێرەی هۆڵیوود (دێمی مۆر), وە ئاماژەی بەوەكرد كە بۆ ئەوەی ئەم ناودراە باشتر بناسێت, وە هۆكاری بوون بە ئەستێرە و نەهامەتیی لە تەمەنی منداڵیدا, پاڵنەر بوو و نەیتوانی دەستبەرداری ئەو كتێبە بێت وە لە ماوەی دوو ڕۆژدا كتێبەكەی خوێندەوە .