گۆرانیبێژ و ئەكتەری سینەمای میسری(تامر حوسنی) ژمارەی پێوانەیی تۆماردەكات, ئەم ناودارە دوێنێ هەینی بەرواری 6-12-2019 لە وڵاتی ئیمارات لە ڕێوڕەسمێكی شایستەدا لەلایەن(گینس ڕیكۆردز)ەوە وەكو كاریگەرترین هونەرمەند دەستنیشانكرا, بەم هۆیەوە تامر حوسنی لە تۆڕی كۆمەڵایەتی ئانستگرام ڤیدیۆی بەخشینی خەڵاتەكەی بڵاوكردەوە و دڵخۆشی ئەو سەركەوتنەی دەربڕی .

دەستنیشانكردنی تامر وەكو هونەرمەندێكی كاریگەر و بەتوانا, لە كاتێكدا بوو كە تامر حوسنی لە هەمان ڕۆژ بەشێك لە كەلوپەلە تایبەتییەكانی خۆی خستە فرۆشتنەوە, وە بە ئامانجی ئەوەی داهاتەكەی بۆ كاری خێرخوازی تەرخان بكرێت.

لە ئێستادا تامر حوسنی بەشداری لە فیلمێكی ئاكشن كردووە بە ناوی(الفلوس), كە هەریەك لە خالد ساوی-زینە-كەمیل سەلامە و چەندین ئەكتەری دیكە ڕۆڵی تێدا دەگێڕن .