خانمە ئەكتەری (هۆڵیۆد راشیل وایز) ددانی بەوەدا نا كە لە سەرەتای چوونی بۆ هۆڵیۆد هەستی بەوە دەكرد كە زۆر ناشیرینە و بە نهێنی هەوڵی زۆری داوە بۆ ئەوەی وەك كچەكانی دیكەی هۆڵیۆد كێشی لەشی كەم بكاتەوە، ئەمەش تا رادەیەك زەحمەت بوو.
راشیل دەڵێ: «ئێستا ئەم دیدەم گۆڕاوە، هەست ناكەم لە ژیاندا شتێكم لە دەستدا بێت، لە هەمان كاتدا زۆریش شانازی بەخۆم و ئەو ئاستەی ئێستامەوە دەكەم، هەرچەندە ئەو كات لەبەر ئەوەی لەشم وەك ئافرەتانی دیكە ئاسایی نەبوو، بۆیە نەمتوانی وەك هەر ئافرەتێكی دیكە كێشی لەشم دابەزێنم» راشیل دووپاتی كردەوە كە هیچ كاتێك بێ بڕوا نەبووم بەخۆم، یان بێ ئومێد نەبووم لەوەی كە لەگەڵ كەسایەتیی خۆم نەگونجێم، هەروەها هیچ كەسێك نییە كا كاریگەری لەسەرژیانم هەبێت و لێم تێك بدات، ئێستا لە نیۆیۆرك دەژیم و زۆریش دڵخۆشم، چونكە من نامەوێ ببم بە یەكێك لە كەسایەتییە هونەرییە ناودارەكان، تەنیا دەمەوێ ئەكتەر بم و هیچی دی.