بەر لە ماوەیەك كچە گۆرانیبێژی ئەمریكی ریهانا لە كاتی گۆرانی وتن لە ئاهەنگێك لە شاری ئەنتویرب لەلایەن چەند رۆژنامە و دەزگای راگەیاندنی ئەمریكییەو بە بێهۆش تۆمەتبار كرا، بەڵام ریهانا هیچ گرنگییەكی بەو تۆمەتانە نەدا.
بەر لە چەند هەفتەیەك چەند وێنەیەكی نیمچە رووتی ریهانا لەگەڵ كۆمەڵە هاوڕێیەكی لە پاریسی پایەتختی فەرەنسا بڵاوكرایەوە و لە تەنیشتی وێنەیەكی دیكەی بڵاوكرایەوە كە بێهۆش دیار بوو، ریهانا لە وەڵامی بڵاوكردنەوەی ئەم وێنانە و تۆمەتانە وتی: «من هیچ گرنگییەك بە رەخنە نادەم، تەنیا گرنگی بەو كارانە دەدەم كە خۆم ئەنجامیان دەدەم و ئەوەی جەماوەرەكەم پێی خۆشە، چونكە دەزانم بە هەر شێوەیەك بم خەڵكانێك رەخنەم لێدەگرن و دەیانەوێ كاریگەرییان لەسەر خۆم و كارەكانم هەبێت» ریهانا زیاتر گوتی: «من جەماوەری خۆم بە پێوەر دەزانم بۆ سەركەوتنەكانم، هەروەها من ئازادم چی دەپۆشم و چۆن دەردەكەوم لەسەر شانۆ، هەر كاتێك جەماوەر راستەوخۆ لەسەر شانۆ رەخنەیان لێ گرتم و رازی نەبوون بە كارەكانم، ئەو كات كەسانی دیكەش دەتوانن رەخنەم لێ بگرن، بەڵام من هیچ كاتێك گرنگی بە رەخنەیی راگەیاندنەكان و هەندێ كەس نادەم.