لە هەفتەی ڕابردوو چەندین هەواڵی جۆراوجۆر بڵاو بوویەوە دەربارەی خانمە گۆرانیبێژی سووری ئەساڵە نەسڕی, ئەویش بە جۆرێك كە گوایە لە(طارق العريان)ی هاوسەری جیابووەتەوە, بەم هۆیەوە ئەساڵە نەسڕی لە هەژماری خۆی لە تۆڕی كۆمەڵایەتی ئانستگرام ڕایگەیاند كە ڕاستە كێشە لە نێوان ئەو و تارق هەیە بەڵام نەگەیشتووەتە جیابوونەوە و كێشەكان پەیوەندارە بە كارە هونەرییەكان و دوورە لە بابەتی خێزانی و وێران بوونی چارەنووسی منداڵەكانیان .

بە چەند ڕۆژێك لە دوای ئەم هەواڵانەوە (شام)ی كچی ئەساڵە بە سەردانێك دەچێتەوە لای(ئەیمەن زەهەبی)ی باوكی, وە چەند وێنەیەكی خێزانی لەگەڵ باوكی و خوشكەكەی تۆمار دەكات و لە هەژماری خۆی لە ئانستگرام بڵاوی دەكاتەوە .

لە دواییدا شام وێنەیەكی دیكەی لە هەژمارەكەی بڵاوكردەوە كەلە ئێستادا بووەتە هەواڵی میدیا عەرەبییەكان, لە وێنەكەدا ئەساڵە نەسڕی لەگەڵ (ئەنجیلا)ی كچی ئەیمەنی هاوسەری پێشووی دەردەكەوێت كە یاری لەگەڵدا دەكات وە شام لەسەر وێنەكە نووسیویەتی(خۆشەویستی هەموو كات وەڵامە), بەپێی ئەم دیدارە هەندێك وەهای بۆ دەچن كە پەیوەندی نێوانیان ئاسایی بووەتەوە و كۆتاییان بە كێشەكان هێناوە .