ئەستێرەی دیاری هۆڵیوود(نیكۆڵاس كەیج)ی پاڵەوانی فیلمی (Next), نوێترین كاری سینەمایی بریتی دەبێت لە فیلمی(The Unbearable Weight of Massive Talent) كە فیلمێكی زۆر جیاوازە و خۆی تێیدا وەكو نیكۆڵاس كەیجی ناوداری جیهانی دەردەكەوێت .

ناوەڕۆكی ئەم فیلمە باس لەوە دەكات كە نیكۆڵاس باری دارایی زۆر باش نییە و پێویستی بە پارەیە, لەم كاتەدا هەلێكی بۆ دێتە پێشەوە كە هەوادارێكی بڕی یەك ملیۆن دۆلاری پێدەدات ئەگەر نیكۆڵاس لە ئاهەنگی لەدایك بوونی بەشدار بێت, نیكۆڵاس كەیج بەم ئۆڤەرە ڕازی دەبێت و لە ئاهەنگی ئەو هەوادارەی ئامادە دەبێت كە سەرمایەدارێكی مەكسیكییە, بەڵام لە دواییدا بارودۆخەكە بە شێوەیەكی تری لێدێت و نیكۆڵاس هەوڵ دەدات خۆی لەو كێشانە دەرباز بكات .