هه‌ردى سه‌لامى كۆنسێرتێك له هه‌ولێر ساز ده‌كات
شه‌وى ڕابردوو 17/11/2019، هه‌ردى سه‌لامى له پۆستێكدا كه له هه‌ژمارى تایبه‌تیی خۆى، له تۆڕى كۆمه‌ڵایه‌تیی (ئینستاگرام) بڵاوى كردووه‌ته‌وه، ئاماژه‌ى به‌وه داوه، مانگێكى دیكه و له به‌روارى 19/12/2019دا، كۆنسێرتێك له هۆڵى (سه‌عد عه‌بدوڵا) له هه‌ولێر ساز ده‌كات.
چه‌ند ڕۆژێك پێش ئێستا، هه‌ردى سه‌لامى كۆنسێرتێكى له سلێمانى ساز كرد و ژماره‌یه‌كى زۆر له هه‌وادارانى له كۆنسێرته‌كه‌دا ئاماده بوون.
هه‌ردى سه‌لامى خه‌ڵكى سلێمانییه، پێشتر وەک دەرھێنەری فیلم و کلیپ کاری کردووە، چەند ساڵێکیشە دەستی بە بڵاوکردنەوەی گۆرانی کردووە، خاوەنی ئەلبوومێکی گۆرانی و چەند ڤیدیۆ کلیپێکە، گۆرانی و کلیپەکانی لە تۆڕە کۆمەڵایەتییەکاندا بینەرێکی زۆریان ھەیه.
basnews
