خانمە ئەكتەری ناوداری بۆڵیوود عەلیا بهات ڕایگەیاند كە دوا وێستگەی هۆڵیوود دەبێت, ئەم خانمە هەوڵ دەدات چالاكییە هونەرییەكانی بگوازێتەوە بۆ سینەمای ئەمریكا, ئەمەش بەشێوەیەك دەبێت كە لە تەمەنێكی بچوكتر لە ئیشواریا و پریانكا و دیپیكا پادۆكۆن لە هۆڵیوود كاری سینەمایی بكات .

عەلیای 26 ساڵ, ئەگەر بەم نزیكانە بتوانێت لە هۆڵیوود ئەو پێگە هونەرییەی دەست بكەوێت بە مانای ئەوە دێت كەلە تەمەنێكی بچووكتر لەو ئەستێرانە بەشدار دەبێت لە هۆڵیوود, وە خاڵێكی مێژووی تۆمار دەكات .

ئەم هەنگاوەی عەلیا بهات پێویستی بە پاڵپشتی و هاوكاری هەیە لە ناو هۆڵیوودەوە, وە بەرنامەیەك بۆ كاركردن لە پێناو سەركەوتنی ئەو فیلمە سینماییەی لە داهاتوودا ئەنجامی دەدات, وە لە سەرچاوەیەكەوە بڵاو كراوەتەوە كە عەلیا بهات لەم هەنگاوەی خێرا دەكات و هێشتا ووردەكاری زیاتر لەم بابەتە نەخراوەتە ڕوو .