چەند ماڵپەڕێكی هەواڵی هونەری تایبەت بە ئەستێرە ناودارەكانی جیهان، لەسەر زاری كەسانی نزیك لە گۆرانیبێژ و ئەكتەری ناوداری جیهانی (جنیڤەر لۆپێز) بڵاویان كردەوە، جنیڤەر بە هیچ شێوەیەك بیر لە وازهێنانی لە هونەر و گۆرانیوتن ناكاتەوە و بڕیاریداوە تا ئەو كاتەی لە توانایدا هەبێت، بەردەوام دەبێت و بە گۆرانییەكانی هەوڵ دەدات دڵی جەماوەرەكەی خۆش بكات و، بۆ پێشكەشكردنی كۆنسێرت لەسەر شانۆ دەبێت.
لەم بارەیەوە ماڵپەڕی (كۆنتاكت میوزیك)ی بڵاوی كردەوە، جنێڤەر لە لێدوانێكیدا جەماوەرەكەی خۆیی دڵنیا كردۆتەوە كە تێپەڕبوونی تەمەن بە هیچ شێوەیەك نایخاتە ژێر كاریگەری و فشاری وازهێنان و دووركەوتنەوە لە گۆرانی وتن، چونكە بڕیاریداوە ئەگەر پیریش ببێت تا ئەو كاتەی لە توانایدا هەیە لە گۆرانی وتن بەردەوام دەبێت.
جنێڤەر لۆپێز زیاتر دەڵێ: «تەنیا من نیم وەك ئافرەت كە ئەم بڕیارەم دابێت، منیش چەند گۆرانیبێژێك دەكەم بە نموونەی خۆم، زۆرن ئەوانەی تا تەمەنێكی درەنگ گۆرانییان وتووە، وەك ئاریسا فرانكلین تا تەمەنی 72 ساڵ و دۆلی پارتۆن تا تەمەن 68 ساڵی گۆرانییان گوت و بەردەوام بوون، ئەمانە ئەوە دەسەلمێنن كە ئافرەت كاڵا نییە تا مێژووی بەسەرچوونی هەبێت، بەڵكو ئافرەت دەتوانێت بەردەوام بێت و ئەوی بیەوێ پێشكەشی بكات، لە تەمەنی شەست، یان حەفتا ساڵیشدا بێت هەر دوتوانێت كۆڵ نەدات.