ئەستێرەی هۆڵیوود و براوەی دوو خەڵاتی ئۆسكار(جین فۆندا), لە كاتی بەشداری كردنی لە خۆپیشاندانێكدا بۆ چوارەم جار لەلایەن پۆلیسەوە دەستگیركرا, لە ماوەكانی ڕابردوو فۆندای 81 ساڵ بە گەشتێكی تایبەت گەیشتە واشنتۆن بۆ ئەوەی دەسەڵاتدارانی ئەمریكا بە ئاگا بێنەوە و كار بكەن لە پێناو پاراستنی ژینگە, وە ئەم خانمە لەگەڵ گروپێكی ژینگە پارێز و ژمارەیەك لە چالاكوانی مەدەنی داوا دەكەن كە ووزەیەكی باشتر لە نەوت و گاز بەكار بهێنرێت كە ژینگە پیس نەكات و كاریگەریی لەسەر كەش و هەوا نەبێت .
لە یەكەم جاری خۆپیشاندانەكەی, جین فۆندا ڕایگەیاند كە هەموو هەفتەیەك لە پێش بینای (كاپیتۆڵ) ئامادەدەبێت و بەردەوام دەبێت لە ناڕەزاییەكەی, بەڵام لەم خۆپیشاندانە كە جین فۆندا دیسانەوە دەستگیر كرا وە دەبێت بە چوارەمین جاری, لە گەڵ هەردوو خانمە ئەكتەر ڕۆزانا ئاركێت و كاترین كینەر و چەند كەسانێكی تر دەستگیر كران .
