خانمە مۆدێلی ئەمریكی(كیم كارداشیان) سكاڵایەكی لە دادگا بەرز كردەوە, ئەم خانمە داوا دەكات بە 10 ملیۆن دۆلار قەرەبوو بكرێتەوە, ئەویش بەهۆی پڕۆگرامی(Sweet Cam) كە وێنەیەكی كاردشیانی بەكارهێناوە بەبێ ئەوەی مۆڵەتی لێ وەربگرێت .

بە پێی ئەو ڕاپۆرتەی لە (TMZ) بڵاوكراوەتەوە, پارێزەر و تیمەكەی كیم كاردشیان لە ویلایەتی كالیفۆرنیا سكاڵایان لە دژی كۆمپانیای(Ihandy) تۆمار كردووە , ئەم كۆمپانیایە خاوەنداریەتی ئەو پڕۆگرامە دەكات كە تایبەتە بە جوانكاری و ماكیاژكردن و گۆڕینی ڕووخساو چەندین تایبەتمەندی دیكە لە خۆ دەگرێت .

هەروەها كارداشیان دەڵێت بەبێ ئاگاداری ئەو وێنەیەكی لە (Sweet Cam) دانراوە و بازرگانی پێوە دەكرێت, ئەو كۆمپانیایە نازناو و ناوبانگی كارداشیانی قۆستووەتەوە بۆ ئەوەی داهات كۆبكاتەوە, وە لەلایەن كۆمپانیای (Ihandy) بڵاوكرایەوە كە ئەوان بەهەڵە ئەو وێنەیەیان بەكار هێناوە و ئاگاداری ئەوە نەبوون كە ئەوەی لە وێنەكە دەركەوتووە كیم كاردشیانە .