ئەكتەر و ئەستێرەی هۆڵیوود (جنێفەر لۆرانس)ی تەمەن 29 ساڵ, ڕۆژی شەممەی ڕابردوو هاوسەرگیریی كرد, ئەم خانمە لە گەڵ (كوك مارۆن)ی 34 ساڵ بە ئاهەنگێك و بەئامادەبوونی 150 كەس لە دۆست و هاوڕێیانیان هاوسەرگیرییان كرد .

ئەم ئاهەنگە لە كۆشكی (بیڵكۆرت)لە نیوبۆرتی ویلایەتی رۆد ئایلاند لە ئەمریكا بەڕێوە چوو, بە پێی ڕاپۆرتی (tmz) بڵاوكراوەتەوە كە لەم ئاهەنگە دایك و باوكی جێنێفەر ئامادەنەبوون .

وەلە ماوەكانی ڕابردوو بە پێی ڕاپۆرتی(NW) بڵاوكرایەوە كە جێنێفەر لۆرانس ڕایگەیاندووە كە دایك و باوكی لە ئاهەنگی هاوسەرگیرییەكەی ئامادەنابن, ئەویش لەبەر ئەوەی كە ئەوان بە زمانێكی خراپ وەسفی دەستگیرانەكەیان لەلا كردووە, وە جنێفەریش هەڵوێستی بەرامبەریان وەرگرت و دایك و باوكی لەو ئاهەنگە بانگهێشت نەكرد .

جێنێفەر لۆرانسی پاڵەوانی (Hunger Games), لە 15ی ئابی 1990 لە ئەمریكا لەدایك بووە, یەكەم كاری سینەمایی ئەم خانمە دەگەڕێتەوە بۆ فیلمی (Garden Party) كە لە ساڵی 2008 بەرهەم هات, ئەم ئەستێرەیە لە چەندین فیلمی سینەمایی و زنجیرە درامادا بەشداری كردووە وە لەپاڵ خەڵاتی ئۆسكار چەند خەڵاتی دیكەی جیهانیی بەدەست هێناوە, وە لە ساڵانی 2015 و 2016 وەكو گرانترین ئەكتەری هۆڵیوود هەژمار كراوە .