ئەمڕۆ شەممە 19/10/2019 ماڵپەڕی ڤیدیۆیی(یوتیوب)ی ئەمریكی,گۆرانیبێژی دەنگ خۆش (هەردی سەلامی)ی خەڵات كرد, بەم هۆیەوە هەردی لە ئەكاونتی خۆی تۆڕی كۆمەڵایەتی ئانستگرامەوە ڕایگەیاند, بە هۆی ئەوەی كەناڵەكەی 100 هەزار سەبكرایبەری تێپەڕاند, یوتیوب خەڵاتێكی پێشكەش كردووە, هەروەها دەڵێت(سوپاس بۆ دانە بەدانەی هەوادارانی ئازیز كەلە یوتیوب لەگەڵمانن)

هەر لە دوای ئەم هەواڵەوە هەردی سەلامی پۆستێكی دیكەی بڵاوكردەوە كە هەردی دەردەكەوێت و بەشێك لە گۆرانییە نوێییەكەی دەڵێتەوە, كە بڕیارە بەم نزیكانە ئەم بەرهەمەی بڵاوبكاتەوە, ئەم گۆرانییە ئاواز و هونراوەی هەر لە لایەن هەردی سەلامی خۆیەوە دانراوە, وە ئافشین شوكری كاری دابەشكردنی میوزیكی لەسەر كردووە, هەروەها لەسەر ناونیشانی گۆرانییەكە, هەردی دەڵێت تاكو ئێستا ناوی بۆ دەستنیشان نەكراوە وە داوا لە هەوادارانی دەكات خۆیان بە كۆمێنتەكانیان ناوێك هەڵبژێرن .