ئەكتەر و ئەستێرەی دیاری بۆڵیوود(ئەمیتاب باتشان), دەستی هاوكاری بۆ دانیشتوانی ویلایەتی (بیهار) درێژ دەكات, دوای ئەوەی بارانێكی زۆر ڕووی لەو ناوچەیە كرد, لافاو زیانێكی زۆری گەیاندە دانیشتوانی ئەو ناوچەیە و كاولكارییەكی گەرەیەی بەدوای خۆیدا هێنا .

بەم هۆیەوە ئەمیتاب بڕی 5 ملیۆن روبێه كە دەكاتە نزیكەی(70514.40) دۆلاری ئەمریكی, دەبەخشێت وەكو هاوكارییەك بۆ زیان لێكەوتوانی ویلایەتی (بیهار), ئەم هاوكارییە دەچێتە ئەو سندوقەوە كە سەرۆك وەزیرانی(بیهار) دایمەزراند بە مەبەستی هاوكاری و پاڵپشتی زیانلێكەوتوانی لافاوەكەی ویلایەتی (بیهار) .

هەروەها ئەمیتاب باتشان بەنامەیەك هاوخەمی خۆی گەیاندە(نیتیش كومار)ی سەرۆك وەزیرانی ویلایەتی بیهار, وە تێیدا ڕایگەیاند كە زۆر دڵتەنگە بەم ڕووداوە سرووشتیە و داوا دەكات كە هەموو پێكەوە هاوخەمی ئەو ئازارە بن كە تووشی دانیشتوانی ویلایەتی بیهار هاتووە .