یارا ئەکرەم، کچە گۆرانیبێژی دانیشتووی شارۆچکەی ڕانیە یەکەمین ئەلبوومی گۆرانیی خۆی بۆ منداڵان بڵاوکردەوە.

خالید قادر، سەرپەرشتیاری سەنتەری ڕایەڵ بۆ ئاڵوگۆڕی کولتووری لەم بارەیەوە ڕایگەیاند: " بە سپۆنسەری خانمە شاجوانی کورد (نینا موراد) و (سەنتەری ڕایەڵ بۆ ئاڵوگۆڕی کلتور) یەکەمین بەرهەمی منداڵانەی (یارا ئەکرەم) لە قوتابخانەی (برادۆست) ی بنەڕەتی لە شارۆچکەی ڕانیە لە ئاهەنگێکدا بڵاوکرایەوە".

گوتیشی: "بەرهەمەکە بەشێوەی ئەلبوومێکە کە لە چەند تراکێک کلیپ پێکهاتووە و لە ئایندەیەکی نزیکدا بەشێوەی سیدی بەسەر هەموو منداڵانی کوردستاندا دابەش دەکرێت".

basnews