هونەرمەندی ناوداری لوبنانی(راغب عەلامە), سەبارەت بە قەیران و كێشەكانی لوبنان, تویتێكی بڵاوكردەوە و تێیدا ڕایگەیاند كە چارەسەركردنی قەیرانەكان زۆر ئاسانە و ئەوەندە ئەستەم نییە بەو شێوەیە باسی لێوە دەكرێت, ناوبراو دەڵێت چارەسەركردنی قەیرانەكان پێویستی بە ئیرادە هەیە وە دوپاتی كردەوە كە بەرپرسانی لوبنان خاوەنی ئیرادەن و لە هەمان كاتدا بوێرن .

هەروەها دەشڵێت, لەسەر هەموو گەندەڵكارێك پارێزبەندی لابدەن, چونكە هەموو دز و گەندەڵكار و تاونبارێك لە لوبنان پارێزبەندییان لەسەرە, ئەویش یان لەناو وڵاتەكەوە یان لە دەرەوە,وە یەكرێزی تەنها بەسەر هاوڵاتی دەسەپێندرێ, راغب دووپاتی كردەوە و ووتی پارێزبەندیییەكان لابدەن چونكە بەبێ لێپرسینەوە, وڵات نامێنێت .

ئەم تویتەی (راغب عەلامە) لە كاتێكدایە كە لوبنان ساڵانێكی زۆرە بە بارودۆخێكی سەختدا تێدەپەڕێت, لە خراپی خزمەتگوزارییە سەرەتاییەكان و سەرقاڵبوونی حكومەتی لوبنانی بە وڵاتانی دەرەوە لە دەست خستنە ناو كاروبارە سیاسی و ئابوورییەكان .