وەك ئاشكرایە ماوەیەكی زۆرە ئەكتەری ناوداری وڵاتی توركیا, (كیڤانچ تاتلیتۆگ) تووشی كێشەی یاسایی بووەتەوە, ئەم ناودارە لەبەر ئەوەی كە ساڵانێكە باجی بە دەوڵەت نەداوە, دۆسییەی لە دادگاكان هەر بە كراوەیی ماوەتەوە, ئەویش بە هۆی بێ ئاگایی و فێڵكردنی یاریدەری كارەكانی لەلایەكی ترەوە .

كاتێك كیڤانچ لە یەكێك لە دادگاكانی توركیا ئامادە دەبێت بە تۆمەتی خۆدزینەوە لە باج, لەكاتی بەڕێوەچوونی دانیشتنەكە, خانمێكی دادوەر وێنەیەكی لەگەڵدا دەگرێت و لە تۆڕی كۆمەڵایەتی بڵاوی دەكاتەوە, ئەم ڕەفتارە دادوەرەكەی خستە كێشەیەكی یاسایی و دەست بەجێ دەست كرا بە لێكۆڵینەوە, بەڵام ئەو هونەرمەندە خۆی هەواڵەكانی پشتڕاست كردەوە و ڕایگەیاند كە ئەو خانمە ئەو دادوەرە نییە كە كار لەسەر دۆسێیەكەی دەكات .