سەركەوتنی ئەكتەرەكانی هۆڵیوود لەوە دەردەكەوێت كە تا چەند ئامادەن گۆڕانكاری لە خۆیان بكەن تا ئەو ڕۆڵە بەباشی بگێڕن .

فیلمی (جۆكەر) سەركەوتنێكی باشی تۆماركرد و توانی لە فیستیڤاڵی سینەمایی ڤینیسیا لە خولی 76 ببێتە براوەی شێری ئاڵتوونی, ئەم فیلمە بە بڕی 55 ملیۆن دۆلاری ئەمەریكی بەرهەم هاتووە,وە (تود فیلیپس) كاری دەرهێنانی بۆ ئەم فیلمە سینەماییە كردووە, ( Joaquin Phoenix) پاڵەوانی ئەم فیلمە ڕایگەیاند, لە پێناو ئەو فیلمە توانی 26 كیلۆ گرام لە كێشی كەم بكاتەوە, ئەویش بۆ ئەوەی بەباشی ئەو ڕۆڵە بگێڕێت و كارێكی سەركەوتوو ئەنجام بدات .

ئەم ئەستێرەیە شێوازی دابەزاندنی كێشی بۆ چەند خاڵێك گەڕاندەوە, ئەویش بە ڕێنمایی پزیشك بە شێوەیەكی بەردەوام نەوەك زیان بە باری تەندرووستی بگات, وە خواردنی تاكە سێوەكەی بە پڕۆپاگەندە وەسف كرد,وە ڕایگەیاند كە ئەو لەو ماوەیەدا فاسۆلیای سەوز و خەس خواردنی ڕۆژانەی بووە, هەروەها دووپاتی كردەوە كە دابەزاندنی كێش پەیوەندیی نییە بە هەمە جۆری خواردنەكان, بەڵكو بەندە بە بڕی خواردنەكە .

(Joaquin Phoenix)ی تەمەن 44 ساڵ, توانی لە زۆر كاری سینەمایی بەشداری بكات و سەركەوتن تۆمار بكات, ئەم ناودارە لە ساڵی 2006 بە فیلمی(Walk the Line) وەكو باشترین ئەكتەر هەژمار كراو خەڵاتی گۆڵدن گڵۆبی بەدەست هێنا .
- بڕیارە فیلمی جۆكەر لە 4ی ئەكتۆبەری 2019 لە هۆڵی سینەماكاندا نمایش بكرێت .