گۆرانیبێژی میسری(حەكیم)ی تەمەن57 ساڵ, ڕۆژی شەممەی 7-9-2019 دۆچاری ڕووداوێكی هاتووچۆ بوویەوە, هەربەم هۆیەوە ئەم ناودارە ڕایگەیاند كە ئەو باری تەندرووستی باشەو ئەو ڕووداوە لە كاتێكدا بوو كە ئەو لە دیوەكەی تری شەقامەكە بوو, ئەم ناودارە خۆی دوور خستەوە لەو ڕووداوە و ڕایگەیاند كە ئەوە ئۆتۆمبێلی ئەو نییە كە وێنەكەی بڵاو كراوەتەوە , هەر لەسەر لێدوانەكانی حەكیم, سەندیكای میوزیكژەنان و هونەرمەندان لە وڵاتی میسر ڕایانگەیاند كە تەندرووستی حەكیم باشە و ئەو ڕووداوە پەیوەندی بە ئەوەوە نەبووە .

بەڵام حەكیم بۆ ڕۆژی دواتر لێدوانێكی جیاوازی بڵاوكردەوە, وە پاشگەزبووەوە لە لێدوانەكەی ڕابردووی, كە گرتەیە ڤیدیۆیەكی خۆی لە تۆڕی كۆمەڵایەتی ئانستگرام بڵاوكردەوە, تێیدا لە ناو نەخۆشخانەوە قۆڵی چەپی پێچراوە و باس لە ڕووداوەكە دەكات و نزا دەكات بۆ ئەوەی كە خۆی و شۆفێرەكەی دەربازیان بوو و تەنها چەند برینێكی سووكیان بەركەوتووە .

ئەم لێدوانەی حەكیم, سەندیكای میوزیكژەنان و هونەرمەندانی میسری تووڕەكرد, وە بە شێوەیەك ناوی ئەم هونەرمەندەیان هێنا كە ئەو یاری بە هەستی سۆزی هەوادارانی دەكات لە ڕێی بڵاوبوونەوەی هەواڵی لە میدیا و ڕۆژنامەكان و ئەمە جۆرێكە لە ڕاكێشانی سەرنجی هەواداران بۆلای خۆی, وە بەبێ ئەوەی لێدوانی ئەو لایەنە لە بەرچاو بگرێت, چونكە بە دووەم لێدوانی لە نەخۆشخانەوە ئەوانیشی خستە درۆوە .