خانمە گۆرانیبێژی ئەمەریكی (تایلۆر سویفت), دیسانەوە دەستی هاوكاری پێشكەش كرد و مرۆڤایەتیی خۆی نیشاندا, ئەم خانمە بڕی 10,000 دۆلار بۆ كچێكی تەمەن 16 ساڵ دەنێرێت, بە ناوی (ترێنتی فۆستەر) كە تووشی نەخۆشی شێرپەنجە بووەتەوە, ئەگەر چی حكومەتیش هاوكاریی دەكات بەڵام زۆری و جۆری دەرمانەكانی وای كردووە كە هێشتا پێویستی بە یارمەتی هەبێت, هەر بۆیەش لە تۆڕی كۆمەڵایەتی فەیسبوك ڕایگەیاند كە ئەوان ناتوانن بە تەنها بەرەنگاری ئەو نەخۆشییە ببنەوە, وە بە هەوڵی هەموو لایەك توانییان كەمتر لە 4000 دۆلار كۆبكەنەوە .

تایلۆر لە دوای ئەمەوە نامەیەكی بۆ دەنووسێت و تێیدا باس لە هێز و خۆڕاگریی ترێنتی دەكات بەرامبەر بەم نەخۆشییە, وە خۆشەویستی خۆی بۆ دووپات كردەوە .

(تایلۆر سویفت)ی 29 ساڵ, لە ماوەی ڕابردوو بە هەمان شێوە یارمەتی كەسێكی تریدا لە شاری ڵەندەن, كە هەر لەو كاتەوە نازناوی وەك مرۆڤ دۆست و هاوخەمی پێبەخشرا .