ئەستێرەی بۆڵیوود (سەلمان خان)ی تەمەن 53 ساڵ, گرتە ڤیدیۆیەكی خۆی لە تۆڕی كۆمەڵایەتی ئەانستگرام بڵاوكردەوە, كە تێیدا دەردەكەوێت سەلمان خان لە خۆی دەدات, ئەمەش لە كاتێكدا بوو كە سەلمان خان چاوی بە كەسانێك كەوت لە خۆیان دەدەن بەرامبەر بە بڕێك پارە, بۆیە بە بێ ترس و دوودڵی لەو كارە, ئەویش قامچیەكەیان لێ وەردەگرێت و چەند دانەیەكی بەهێز لە خۆی دەدات و دەڵێت: هەستتان پێدەكەم و لە ئازارەكانتان هاوبەش دەبم .

ئەم ڕووداوانە لە كاتیكدا بوون كە سەلمان خان و تیمەكەی لەو شوێنە دەیانویست چەند دیمەنێك لە نوێترین فیلمی سینەمایی تۆمار بكەن, لە ماوەی ڕابردوودا ئەم ئەستێرەیە دووبارە تۆڕە كۆمەڵایەتییەكان هەژاند, كە لە شوێنێكی تر لەگەڵ خانمە ئەكتەری بۆڵیوود (سوناكشی سینها), چاویان بە چەند منداڵێك دەكەوێت لەگەڵیاندا دەدەنیشن و دەكەونە گفتوگۆ و كاتێكی خۆش بەسەر دەبەن .