هونەرمەندی دیاری كورد (بڵند عەبدوڵا) لە هەژماری خۆی لە تۆڕی كۆمەڵایەتی (ئانستگرام), گرتە ڤیدیۆیەكی خۆی بڵاوكردەوە كە باس لە دوایین كاری هونەری خۆی دەكات .

ئەم هونەرمەندە دەڵێت نزیكەی ساڵ و نیوێك پێش ئێستا, چەند تێكست و هونراوەیەكم لە ئەكاونتی (ڕەنج سەنگاوی) خوێندەوە بینیم كە زۆر نزیكە لە هەستەكانمەوە, وە لە دواییدا پەیوەندی پێوە دەكات, تا بیكات بە بەرهەمێكی گۆرانی, ئەویش بەو كارەی بڵند ڕەزامەندی فەرموو .


هەروەها بڵند ڕایگەیاند, دوای تەواو بوونی ئەو كارە, بە بۆنەی ساڵڕۆژی پێنج ساڵەی هاوسەرگیریی, كردی بە سوپرایزێك و پێشكەش بە هاوسەرەكەی كرد, هەر بەم بۆنەیەوە ئەوان گەشتێكیان بۆ وڵاتی ئیتاڵیا ئەنجامدا, كە لەوێدا چەندین وێنە و گرتە ڤیدیۆی جوانیان تۆمار كرد وەكو یادگاری, وە لە دواییدا بیرۆركەی ئەوەیان لا درووست بوو كە ئەو گۆرانییە و بەشێك لەو گرتانە تێكەڵ بەیەك بكەن و بڵاوی بكەنەوە .

ئەم كارە هونەرییەی بڵند عەبدوڵا, بە تەواوی چیرۆكێكی ڕاستەقینە و دوور لە سیناریۆ و شتی درووستكراوە, كە دەبێتە گۆرانییەك باس لە چیرۆكی دوو خۆشەویست دەكات و كلیپێك بە شێوەی دیكیۆمێنت وێنە گیراوە .