ئەستێرەو ئەكتەری بە ئەزموونی هۆلیوود (پیتەر فۆندا), لە تەمەنی 79 ساڵیدا لە شاری لوس ئەنجلوسی ویلایەتی كالیفۆرنیا كۆچی دوایی كرد, بەپێی ووتەی كەسە نزیكەكانی بڵاو كرایەوە كە ئەم ناودارە بە هۆی كێشەی هەناسەدان و نەخۆشی شێرپەنجەی سییەكانیەوە كۆچی دوایی كرد.

ئەم ئەستێرەیە سەرەتا وەكو ئەكتەرێكی شانۆ و ئینجا وەك چالاكوانێكی ژینگەپارێز كاری كردووە, وە لە دواییدا لە چەندین فیلمی سینەمایی بەشداری كردووە, لە ساڵانی شەستەكان بووە هێمایەكی دیاری سینەما, كە زۆرێك لە ئەكتەران پێی سەرسام بوون, فیلمی (easy rider) كە ساڵی 1969 بەرهەم هات, پیتەر لە پاڵ (دێنیس هۆپەر)بەشێك لە سیناریۆو گفتوگۆكانی ئەم فیلمەی نووسیوە كە ئەستێرەي هۆلیوود (جاك نیكلسون) و چەند كەسانێكی تر ڕۆلیان تێدا گێڕا.

هەروەها لە فیلمی(Ghost Rider)ی ساڵی 2007 لەگەڵ هەریەكە لە نیكۆلاس كەیج و ئیڤا میندز و ئەكتەرانێكی تر كاری كردووە.