خانمە گۆرانیبێژی ئەمەریكی كاتی بێری تووشی كێشەیەكی هونەری بوویەوە, بەم هۆیەوە بە بڕی 2.7 ملیۆن دۆلاری ئەمەریكی سزا درا, هۆكارەكەشی بۆ ئەوە دەگەڕێتەوە كە (كاتی) لە چەند ساڵی ڕابردوو گۆرانیەكی تۆمار كرد بە ناوی(Dark Horse), كە ئەم گۆرانییە وا دەبینرێت لە گۆرانی (Joyful Noise)ی ڕاپەری ئەمەریكی فلایم وەرگیراوە.

ئەگەر چی (كاتی) لە دادگا بەرگری لە خۆی كرد و ڕایگەیاند كە گۆرانییەكەی لە ولایەتی كالیفۆرنیا نووسراوە و ئاگاداری گۆرانییەكەی فلایم نەبووە, بەڵام لە كۆتاییەكەیدا كەیسەكەی دۆڕاند و دادگا بڕیاریدا وەكو قەرەبوویەك بڕی 2.7 ملیۆن دۆلار بدات بە ڕاپەری ئەمەریكی فلایم.

ئەم بڕە پارەیە لە نێوان كاتی بیری و كۆمپانیای كەپیتۆڵ ریكۆردز دابەش دەبێت, كە كاتی 550 هەزار دۆلار دەدات و كۆمپانیاكەش بڕی 2.2 ملیۆن دۆلاری ئەمەریكی.