دوای 23 ساڵ هەر سێ خانمە ئەكتەری میسری لەیلا عەلەوی و هالە سدقی و ئیلهام شاهین بەیەك گەیشتنەوە, ئەمەش دوای ئەوە هات كە (محمەد حلمی هلال)ی سینارێستی فیلمی (يادنيا ياغرامي) ڕایگەیاند كە بیرۆكەیەك هەیە بۆ ئەوەی سوود لە دوای ڕووداوەكانی ئەو فیلمە وەربگیرێت و بەشی دووەمی بەشێوەی زنجیرە دراما بەرهەم بهێنرێت .

بە ووتەی محەمەد حلمی, ناوەڕۆكی ئەو زنجیرە درامایە باس لە ژیان و چارەنووسی ئەو سێ خانمە دەكات كە دوای 23 ساڵ دووبارە یەك دەگرنەوە, هەروەها ڕایگەیاند كە سیناریۆی ئەو زنجیرە درامایە بەشێكی ئامادە كراوە و(ماندو العدل) كاری دەرهێنانی ئەنجام دەدات, ئەمە نابێت بە گۆڕین و درێژەپێدانی فیلمێك بۆ زنجیرە دراما, بەڵكو خۆی زنجیرە درامایەكە و باس لە دوای ڕووداوەكانی فیلمی(يادنيا ياغرامي) دەكات كەوا ساڵی 1996 بەرهەم هات .