هەڵبژاردنی كچە نمایشكار بۆ هەر دیزاینەرێكی جلوبەرگ زۆر گرنگە، بۆ ئەوەی كارەكانی پێ نمایش بكات و بە جوانترین شێوە دەربكەوێت و جوانییەكی دیكە بە جلوبەرگ و دیزاینەكانی ببەخشێت، بۆیە هەمیشە بە دوای جوانترین و سەرنجڕاكێشتریندا دەگەڕێن، هەر ئەمەش وای لە دیزاینەری بەناوبانگی جیهانی (ڤیكتۆریا سیكریت) كردووە، كە كچە نمایشكاری شۆخوشەنگ میراندا كییر هەڵبژێرێت بۆ نمایش كردنی كارەكانی.
میراندای بە رەچەڵەك ئوسترالییە و تا ئێستا جوانی و رێكوپێكیی لەشی وەكو خۆی ماوەتەوە، هۆكاری ئەم جوانی و رێكییەش بە پلەی یەك بۆ ئەوە دەگەڕێتەوە، كە بەشێوەیەكی رۆژانەی بەردەوام وەرزشی یۆگا ئەنجام دەدات، هەروەها بە هیچ شێوەیەك لە خواردنی چەور نزیك نابێتەوە، زیاتر پشت بە خواردنی سەوزە و میوەی كەم شەكر و خواردنەوەی ئاو دەبەستێت و، ئەو خواردنانە دەخوات كە رێژەیەكی زۆری كاربۆهیدرات و پرۆتینی تێدایە، وەك (ماست و هێلكە و شیر و سینگی مریشك)، هاوكات بۆ پاراستنی جوانیی لەشولاری، بەپێی گرووپی خوێنی خۆی خواردن دەخوات.
لەبەر ئەوەی ئاویش بە یەكێك لە پێداویستییەكانی هێشتنەوەی هێز و جوانیی لەش دادەنرێت، میدراندا رۆژانە هەشت كوپ ئاو دەخواتەوە، لەگەڵ ئاویش بەردەوام شەربەتی سرووشتی دەخواتەوە بۆ ئەوەی لەشی رێژەی پێویستیی لە ڤیتامین و كانزاكان دەست بكەوێت، سەرباری هەموو ئەمانەش وەرزش بە گرنگترین هۆكاری هێشتنەوەی جوانیی لەش دادەنێت و داوا لە ئافرەتان دەكات، كە ئەگەر بیانەوێ بە جوانی بمێننەوە، ئەوا ئەو بەرنامەیە پەیڕەو بكەن.