خانمە ئەستێرەی هۆڵیۆد و گۆرانیبێژ كریستیان ئەگویلیرای تەمەن 37 ساڵان رووبەڕووی هێرشێكی تودی تۆڕە كۆمەڵایەتییەكان بەتایبەتی تویتەر بۆوە، دوای ئەوەی لە تویتێكدا بەشێوەیەكی رەگەزپەرستانە باسی لەكەسانی قەڵەو و ئەوانەی كێشیان زیادە كردبوو.
یەكێك لە هەوادارانی لە تویتێكدا وێنەی كریستینا كۆمەڵێك جلوبەرگی بڵاوكردبۆوە ئەوانەی لە پیشانگا و مۆڵەكاندا فرۆشراون لەسەروبەندی گەشتە هونەرییەكەی كە بە ناوی (Liberation) و لە تەنیشت جلوبەرگەكان نووسرا بوو كە لەسەریان نووسرابوو : پێنج دۆلاری زیاد بۆ قەبارەكانی XXL و XXXL، زۆر لە هەوادارانی كریستیان ئەم رەفتارەیان بە جۆرێك لە رەگەزپەرستی وەسف كرد كە لەلایەن كریستیناوە بەرامبەر بەكەسانی قەڵەو پیادەی دەكات.
لە بەرامبەر ئەمانەدا ژمارەیەك لە هەوادارانی كریستینا بە توندی بەرگرییان لێی كرد و لە تویتەكانیان دووپاتیان كردەوە كە ئەستێرەكەیان جەماوەرەكەی خۆی خۆش دەوێت و رێزیان دەگرێت هرچۆن و لە هەر كوێیەك بن، بۆیە ئاگاداری نرخی ئەو جلوبەرگانە نییە، چونكە پێویستی بەو پارەیەی نییە كە لە ئەنجامی ئەم 5 دۆلارە زیادەیەی خراوەتە سەر نرجی جلوبەرگەكان دەستی دەكەوێت.
ئەوەی جێگای سەرنجە تا ئێستا كریستینا هیچ كاردانەوەیەكی بەرامبەر بەم تۆمەتبار كردنە نییە و بە هیچ شێوەیەك وەڵامی نەداوەتەوە، بۆیە هەندێك كەس ئەم بێدەنگییەیان بە جۆرێك لە دان پێنان بەم كارە وەسف كردووە