دوێنێ سێشەممە 19-6-2018 (ئەمال فەرید) گەورە ئەكتەری وڵاتی میسر لە تەمەنی 80 ساڵیدا كۆچی دوایی كرد, ئەم هونەرمەندە لە چەند مانگێكی ئەم دواییەی چووە خانەی بە ساڵاچوانەوە كە لەوێدا لە لایەن پزیشك و پسپۆڕانی ئەو شوێنەوە چاودێری باری تەندرووستی دەكرا و چارەسەرییەكانی وەردەگرت, بەڵام بە هۆی نەخۆشییەكی قورسەوە لە مێشكی نەیتوانی بەرگە بگرێت و بۆ ماوەیەك بەبێ هۆشی مایەوە كە لە دواییدا كۆچی دوایی كرد .

ئەمال فەرید لە 1938 لە وڵاتی میسر لە دایك بووە , یەكێكە لە هەرە ئەكتەرە دیارەكانی سینەمای میسری , سەرەتای كارەكانی دەگەڕێتەوە بۆ دەركەوتنی لە گەڵ گۆرانیبێژ و ئەكتەری میسری عەبدولحەلیم حافز و فاتن حەمامە , وە لە كۆتایی ساڵانی شەستەكاندا وازی لە كاری فیلم و سینەما هێنا , بەڵام بە دوای ماوەیك دیسانەوە دەستیپێكردەوە و دوو كاری سینەمایی ئەنجامدا وە لە دوای ئەمەوە بە تەواوەتی لە كاری فیلم و سینەما دوور كەوتەوە