هەردوو گۆرانیبێژانی وڵاتی میسر شیرین عەبدولوەهاب و عەمرو دیاب, لە ماوەی ڕابردوودا زۆر هێرشیان كردە سەر یەك و ڕەخنەی قورسیان لە یەكتر دەگرت , وووشەكانیان لە چوارچێوەی ڕەخنە دەرچوون و بوونە گاڵتە كردن و شكاندنەوەی یەكتر و هێرشی زمان .

شیرین عەبدولوەهاب لە دوا دەركەوتنیدا لە بەرنامەیەكی تەلەفزیۆنیدا ڕایگەیاند كە عەمرو دیاب زۆر جار قسەی نەشیاوی پێ ووتوە و هەموو قسەكان گەیشتووە بە دەستی , كە جارێكیان عەمرو بە گاڵتە جاری وەسفی گۆرانییەكی شیرینی كردووە, بۆیە شیرین زۆر بە ڕاشكاوانە ڕایگەیاند كە ووشەكانی بەرامبەر عەمرو دیاب لە ئاهەنگەكەی عەمرو یوسف و كندە عەلوش بە مانای زمان پیسی و هەڵەی زمان نەبووە , بەڵكو ووشەكانی بە مەبەست بووە و بە ئەنقەست ئەوانەی بەرامبەر بە عەمرو دیاب ووتوە .

لە لایەكی تریشەوە شیرین هەر لەم بەرنامە تەلەفزیۆنیەوە ئەو كەسەی ئاشكرا كرد كە گرتە ڤیدیۆی (كێشەی بەلهارسیا)ی بڵاو كردەوە,لەم بارەیەوە ڕایگەیاند كە ئەو گرتە ڤیدیۆیەی كێشەی بۆی نایەوە لە لایەن ڕاوێژكاری هونەریی پێشووی(یاسر خەلیل) بڵاو كرایەوە.