ئاریاس جەوان، گۆرانیبێژی کورد، ئاشکرای کرد کە کۆنسێرتێک لە شارێکی ڕۆژھەڵاتی کوردستان ساز دەکات.

ئاریاس لە ھەژماری تایبەتیی خۆی، لە تۆڕی کۆمەڵایەتیی (ئینستاگرام) ئاشکرای کرد، کە ڕۆژی دووشەممەی داھاتوو 14/5/2018، لە شاری (سنە)ی ڕۆژھەڵاتی کوردستان، کۆنسێرتێک ساز دەکات.

ئەو گۆرانیبێژە ئاماژەی بەوەش کردووە، کە دوای سازکردنی کۆنسێرتەکەی لە شاری سنە، لە شارەکانی دیکەی ڕۆژھەڵاتی کوردستان کۆنسێرتی دیکەش ساز دەکات.

ئاریاس خەڵکی ڕۆژھەڵاتی کوردستانە، تا ئێستا چەندین ڤیدیۆ کلیپی گۆرانی ئامادە کردووە و بڵاوی کردوونەتەوە، ھەروەھا خاوەنی ئەلبوومی گۆرانیشە، کلیپ و گۆرانییەکانیشی بەشێوەیەکی بەرچاو بینەر و بیسەریان ھەیە.