لە كۆنگرەیەكی رۆژنامەنووسیدا لە شاری ئیستەنبول خانمە ئەكتەری توركی جانسۆ كە بە عایشە ناسراوە رایگەیاند كە دزێك خۆی خزاندووەتە نێو ماڵەكەی و توانیویەتی چەند كەلوپەلێكی گرانبەهای نێو ماڵەكەی بدزێت و بەشێكی ماڵەكەیشی وێران كردووە.
جانسۆ دەربارەی ئەم رووداوە زیاتر وتی: دزەكە چەند پارچە زێڕێكی تایبەتی منی بردووە كە نرخەكەیان بە نیو ملیۆن لیرەی توركی دەخەمڵێندرێت، من دان بەوەدا دەنیم كە ئەو كارە لە ئەنجامی هەڵەی من روویداوە، چونكە زێڕ و كەلوپەلە گرانبەهاكانم لە سندوقێكی ئاسنیندا هەڵنەگرتبوو و زۆر گرنگیم بەو بابەتە نەدابوو، لە ئەنجامدا تووشی دزین هاتم و هیوادارم پۆلیس و لایەنە پەیوەندیدارەكان بتوانن دزەكە دەستگیر بكەن.
لەلایەكی دیكەوە جانسۆ ئەو پڕوپاگەندانەی رەتكردەوە كە دەربارەی پەیوەندی خۆشەویستیی نێوان خۆی و ئەنجین ئەكیوریك بڵاوكراونەتەوە، هەر لەو بارەیەوە وتی: هیچ شتێك لە نێوانماندا نییە و تا ئێستا بە نهێنی چاومان بە یەك نەكەوتووە، چونكە ئەگەر یەكترمان بینیبا ئێوە دەتانبینین و وێنەشتان بڵاودەكردەوە.
لە هەمان كاتدا ئەنجین ئەكیوریك ئەویش لەلایەن خۆیەوە ئەو هەواڵانەی رەت كردەوە و وتی: زۆر جار گوێمان لەو جۆرە قسە بێ بنەمایانە دەبێت كە هیچیان بەسەر راستییەوە نییە، من نازانم هەندێك لە میدیاكان هەواڵی وا لە كوێ دەهێنن و چۆن دەتوانن بڵاوی بكەنەوە، بێ ئەوەی دڵنیابن لە راستی و دروستیی هەواڵەكان و كاریگەریی هەواڵەكە لەسەر ئەو كەسانە؟ ئەوان تەنیا بۆ راكێشانی سەرنجی خوێنەران و بینەرانیان هەواڵی وا بڵاودەكەنەوە.