خانمه‌ شاعیری كورد (كه‌ژاڵ ئیبراهیم) به‌هۆی نه‌خۆشییه‌وه‌ له‌نه‌خۆشخانه‌ی گشتی شاری سلێمانی كۆچی دوایی كردووه‌.

خاتوونی شاعیر (كه‌ژاڵ ئیبراهیم) خاوه‌نی چه‌ند شیعری جوان و هه‌ست ناسكه‌ خاوه‌نی 14 نامیلكه‌ی شیعره‌، له‌ساڵی1968 له‌شاری قه‌لادزێ له‌دایك بووه‌و خوێندنی سه‌ره‌تای و ناوه‌ندی دواناوه‌ندی ته‌واكردوه‌، و ده‌رچووی شه‌شی ئاماده‌ییه‌.

(كه‌ژاڵ ئیبراهیم) لە ساڵی ١٩٨٧ دەستی بە نووسین کردووە و سەرەتا بە شیعری منداڵان دەستی پێکرد، زۆربەی هەرە زۆری شیعرەکانی لە گۆڤار، رۆژنامە و ماڵپەڕەکاندا بڵاوکراوەتەوە، هەروەها شیعرەکانی بۆ زمانی عەرەبی، فارسی، ئینگلیزی، رووسی و ئیسپانی وەرگێڕدراون و دوو لە هۆنراوەکانی کراون بە شانۆگەری.