گۆرانیبێژ و میوزیكژەن (تیم بریگلینگ) كۆچی دوایی كرد .
دیانا بارون بەڕێوەبەری كارەكانی ئەم خوالێخۆشبووە بە میدیا و ڕۆژنامەوانانی هەواڵی كۆچی دوایی ڕاگەیاند , بەڵام تاكو ئێستا هوكارەكەی بڵاو نەكراوەتەوە .
ئەم هونەرمەندە كە ناسراوە بە (دی جەی ئاڤیسی) لە ساڵی 2016 گەشتە هونەرییەكانی خۆی ڕاگرت و بڕیاریدا چیتر ئاهەنگ ساز نەكات . بەڵام لە چەند سەرچاوەیەكی ترەوە بڵاو كرایەوە كە بە هۆی نەخۆشیەوە وازی لە سازكردنی ئاهەنگەكان هێناوە .
ئەم گۆرانیبێژە لە ڕێگای كورتی هونەرەكەیدا توانی سەركەوتنێكی گەورە بەدەست بهێنێت و هەوادارێكی زۆر لە دەوری خۆی كۆ بكاتەوە , هەروەها توانی چەندین خەڵاتی مەزن بە دەست بهێنێت , وەك خەڵاتی بیلبۆرد و ئێم تی ڤی و خەڵاتی ئەمەریكی بۆ میوزیك .
